రోజు ముగిసే సమయాన వచ్చి పలకరించే ముగ్ధ సింగారమట
నీలి గగనమున విరిసి మెరిసే ముద్ద బంగారమట
పసుపు పచ్చ చీర కట్టిన లేత మందారమట
నులువెచ్చని నూలుపోగు సువర్ణ వర్ణములు నీకు సొంతమట
పల్చగా పరుచుకున్న చీకటి తెరల చిత్రమట
అలసిన హృదయాలను సేదదీర్చే ప్రకృతి పత్రమట
భగ్గుమన్న భానువుని చల్లార్చి అలంకరించుకున్న సుందర వదనమట
అందమంత ఆరబోసి అస్తమించే సుమధుర దృశ్యమట
చీకటి వెలుగుల మధ్య సందె కుదుర్చి కరిగిపోయే ఓ సంధ్యా!
రమణీయ కాంతుల కొలువై చెరిగిపోయే నా సంధ్యా!
నిను చూసిన నా కళ్ళు నన్నే మరచిపోయాయి
మలి సందె వేళ వరకు నిరీక్షిస్తున్నాయి.
నీలి గగనమున విరిసి మెరిసే ముద్ద బంగారమట
పసుపు పచ్చ చీర కట్టిన లేత మందారమట
నులువెచ్చని నూలుపోగు సువర్ణ వర్ణములు నీకు సొంతమట
పల్చగా పరుచుకున్న చీకటి తెరల చిత్రమట
అలసిన హృదయాలను సేదదీర్చే ప్రకృతి పత్రమట
భగ్గుమన్న భానువుని చల్లార్చి అలంకరించుకున్న సుందర వదనమట
అందమంత ఆరబోసి అస్తమించే సుమధుర దృశ్యమట
చీకటి వెలుగుల మధ్య సందె కుదుర్చి కరిగిపోయే ఓ సంధ్యా!
రమణీయ కాంతుల కొలువై చెరిగిపోయే నా సంధ్యా!
నిను చూసిన నా కళ్ళు నన్నే మరచిపోయాయి
మలి సందె వేళ వరకు నిరీక్షిస్తున్నాయి.
No comments:
Post a Comment