ఆశ

నేస్తమా!

నిన్ను కలవాలన్న ఆశ నాకే కాదు,
నా ఎదలో భావాలకు కూడా.

కానీ ఆ ఆశ నా ఆశకు లేదనుకుంటా,
ఎప్పుడు నిన్ను కలవాలని ఆశ పడినా,

నా ఆశ మాత్రం నిరాశనే కలుసుకుంటుంది.
దానికి నిరాశపై ఎంత ఆశో చూసావా!

       ఇక నా నిరాశకు కూడా ఎంత ఆశో!
నా ఆశను కలిసి,
ఎప్పుడూ నిరాశను మిగల్చాలనే ఆశిస్తుంది.

నిరాశకే అంత ఆశ ఉంటే నాకెంత ఉండాలి?
అందుకే ఎన్ని నిరాశలు నా ఆశకు ఎదురైనా,
నిన్ను కలవాలనే ఆశకు మాత్రం నాలో నిరాశ లేదు.