స్నేహం అన్న భావం రుచి చూపిన ప్రియనేస్తమా !
చెలిమి బంధం లోతును తెలిపిన ప్రణయ స్నేహమా !
ఎద చిలికిన జ్ఞాపకాలలో తేలిన వెన్నపూసలివి ,
మది పలికిన భావాలలో రాలిన సంపద రాసులివి .
చిగుర్లు తొడిగిన బంధాలు ,
పెరిగి దగ్గరైన సుగంధ పరిమళాలు ,
మౌనం ఇచ్చిన శాపాలు,
నిను చూడని క్షణాల్లో విరహ వేదనలు,
కన్నీరై కరిగిన అలకాస్త్రాలు,
అనుమతులై అలరించిన శాసనాలు,
ఇట్టి ఎన్నో సుధ మధురాలై అవతరించింది నీ స్నేహం.
వాటిని విడిచి నేనుండగలనా?
నీ బంధం లేక నే బ్రతకగాలనా ?
అణువణువునా ఇమిడి, హృదయ శ్వాసల్లో నిండి ఉంది నీ రూపం,
ప్రతిక్షణం నా తోడై నడిపిస్తుంది నీ స్నేహం .
ప్రణయమై నా ప్రాణమై నను బ్రతికిస్తుంది ఆ అమృత అనుబంధం.
No comments:
Post a Comment